Um helgina verður haldið hið árlega folfmót “Úlli ljóti” en mótið er það elsta á landinu og hefur verið haldið á hverju ári frá árinu 2002 á vellinum á Úlfljótsvatni. Mótið er fjáröflunarmót fyrir völlinn en nýlaga voru keyptar körfur og völlurinn stækkaður í 18 brautir. Smíði á teigum er byrjuð og eru komnir tveir á braut 1 og 4. Næsta vor er síðan áformað að fjölga teigum og gera þennan skemmtilega völl enn betri.
Í sumar voru haldin fimm Gullmót í Íslandsbikarnum og voru þrjú þeirra á Grafarholts- og Gufunesvelli en tvö á Hömrum á Akureyri.
Lokastaðan í Gullmótaröðinni er eftirfarandi:
Opinn meistaraflokkur (MPO) Ellert Georgsson
Almennur flokkur kvenna (FA1) Harpa María Reynisdóttir
Stórmeistarflokkur 40+ (MP40) Kristján Dúi Sæmundsson
Stórmeistarflokkur 50+ (MP50) Stefán Sigurjónsson
Almennur flokkur 1 (MA1) Jón Guðnason
Ungmennaflokkur 18 ára og yng (MJ18) Ares Áki Guðbjartsson
Við óskum sigurvegurum sumarsins innilega til hamingju með þennan glæsilega árangur.
Í sumar fór fram Silfurmótaröð ÍFS en alls voru þetta fimm mót og keppt á völlunum í Grafarholti, Selfossi, Njarðvíkurskógum, Vífilsstöðum og Háskólavellinum á Akureyri. Góð þátttaka var í mótaröðinni en þrjú bestu mótin af fimm giltu til stiga og urðu lokaúrslit sem hér segir:
Sigurvegarar Silfurmótaraðarinnar 2023:
Almennur flokkur 2 (MA2) – Óskar Kjartansson
Almennur flokkur kvenna 2 (FA2) – Anna Sveinlaugsdóttir
Stórmeistaraflokkur 40+ (MA40) – Auðunn Elfar Auðunsson
Stórmeistaraflokkur 50+ (MA50) – Róbert Sigurðsson
Almennur flokkur 3 (MA3) – Agnar Agnarsson
Ungmennaflokkur 15 ára (MJ15) – Stefán Carl Erlingsson
Barnaflokkur 12 ára og yngri (MJ12) – Eyvindur Páll Ólafsson
Við óskum öllum til hamingju.
Um helgina var haldið Íslandsmótið í frisbígolfi og var keppt á völlunum í Gufunesi og Grafarholti. Alls tóku 72 þátt í mótinu og keppt er í 5 flokkum en keppendur vinna sér inn keppnisrétt á Íslandsmóti með góðum árangri í Gullmótaröð Íslandsbikars ÍFS á árinu.
Veðrið fyrsta daginn var heldur strembið með sterkri suðvestanátt og skúrum en keppendur létu það ekki á sig fá og kláruðu sig af á vellinum í Gufunesi. Seinni tvo dagana var keppt á Grafarholtsvelli en lék veðrið þá við keppendur.
Heildarúrslitin má sjá hér
Íslandsmeistarar urðu:
Opinn meistaraflokkur: Blær Örn Ásgeirsson
Meistaraflokkur kvenna: María Eldey Kristínardóttir
Stórmeistaraflokkur 40+: Kristján Dúi Sæmundsson
Stórmeistaraflokkur 50+: Birgir Ómarsson
Ungmennaflokkur 18 ára og yngri: Ares Áki Guðbjartsson
Til hamingju Íslandsmeistarar 2023.
Íslandsmótið fer fram dagana 8.-10. september 2023 og stendur mótið í þrjá daga, föstudag, laugardag og sunnudag. Keppt verður á tveimur völlum, Gufunesvelli á föstudag og Grafarholtsvelli á laugardag og sunnudag.
Íslandsmótið er skilgreint mót þeirra bestu og keppt er í 5 flokkum og verða því fimm Íslandsmeistarar krýndir eftir mótið. Mótið er PDGA vottað XC mót. Íslandsmótið er sjálfstætt mót og ekki hluti af Íslandsbikarsmótaröðinni en keppendur þurfa að vinna sér rétt til þátttöku með árangri á Gullmótaröðinni.
Mótshaldari er Íslenska frisbígolfsambandið – ÍFS
Mótsstjóri: Ólafur Haraldsson. Aðstoðarmótsstjóri: Gunnar Einarsson.
Skilgreining á flokkum og keppnisfyrirkomulag:
1. Opinn meistaraflokkur (MPO) – Bláir teigar
2. Meistaraflokkur kvenna (FPO) – Blandaðir bláir og hvítir teigar
3. Stórmeistaraflokkur 40+ (MP40) – Bláir teigar
4. Stórmeistaraflokkur 50+ (MP50) – Bláir teigar
5. Ungmennaflokkur 18 og yngri (MJ18) – Bláir teigar
Öll áhugasöm eru velkomin að fylgjast með mótinu og sjá bestu spilara landsins spreyta sig.
Um helgina fer fram Unglingalandsmót UMFÍ á Sauðárkróki og eins og undanfarin ár er keppt í frisbígolfi. Mikil þátttaka var en alls kepptu tæplega 90 krakkar á vellinum á Sauðárkróki og var þar með ein af fjölmennustu keppnisgreinunum á mótinu. Það er greinilegt að unga fólkið er að sækja sig í íþróttinni og verður gaman að sjá vöxtinn í framtíðinni.
Í dag var opnaður skemmtilegur 9 körfu frisbígolfvöllur í Kirkjuhvammi á Hvammstanga en uppsetning hans var ein af hugmyndunum sem fram komu við vinnu starfshóps um íþrótta- og útivistarsvæðið í Hvamminum sem fram fór árið 2021. Völlurinn er staðsettur á mjög fallegu svæði og þeir sem hafa prófað eru í skýjunum með hvernig til hefur tekist.
Til viðbótar við körfurnar í Kirkjuhvammi verða settar upp tvær körfur á Bangsatúni. Þær körfur eru gjöf til sveitarfélagsins frá Húnaklúbbnum og eru forsvarsmönnum klúbbsins fræðar bestu þakkir fyrir. Ungmennaráð hefur verið Húnaklúbbnum innan handar með verkefnið og meðlimum ráðsins jafnframt færðar þakkir fyrir áhugann fyrir verkefninu.
Völlurinn er sá 94 í röðinni hér á landi og við hvetjum auðvitað alla til að prófa hann.
Fyrr í sumar fór fram Íslandsmót barna í frisbígolfi á völlunum í Grafarholti. Þrátt fyrir góða veðurspá þá helltist rigningin yfir keppendur sem létu það samt ekki á sig fá og kepptu af miklum áhuga. Gaman er að sjá hvað mikill áhugi er að vakna hjá yngsta aldurshópnum og það verður gaman að fylgjast með þeim á komandi árum.
Íslandsmeistarar 2023 voru:
15 ára og yngri – strákar – Ares Áki Guðbjartsson
12 ára og yngri – strákar – Steven Noviczski
12 ára og yngri – stelpur – Eydís Eyþórsdóttir
10 ára og yngri – strákar – Davíð Tindri Ingason
10 ára og yngri – stelpur – Sóldís Embla Davíðsdóttir
8 ára og yngri – strákar – Vilhjálmur Örn Sigurðsson
6 ára og yngri – strákar – Aron Einar Gunnarsson
6 ára og yngri – stelpur – Erna Lind Davíðsdóttir
Frisbígolffélag Árborgar hefur verið með mikið og gott starf í sumar en hvert mánudagskvöld eru æfingar undir leiðsögn og á vikulega er fimmtudagsdeild á stóra vellinum. Einnig hafa verið haldin önnur mót sumar og óhætt að segja að mikill kraftur sé á Selfossi. Við hvetjum alla til þess að ganga í félagið og taka þannig þátt í öflugri uppbyggingu.
Nú í júní var settur upp nýr frisbígolfvöllur á Ólafsfirði en völlurinn sem er með 9 brautir liggur upp frá tjaldsvæðinu, framhjá skíðastökkpalli og niður að sundlauginni. Við hvetjum ykkur öll til að prófa.
